«Интер Майами» ҳужумчиси Луис Суарес МЛС доирасидаги «Филадельфия Юнион»га қарши ўйинда хет-трик муаллифига айланиб, жамоасининг қаҳрамонига айланди. Ўта сермаҳсул кечган баҳс мезбонларнинг 6:4 ҳисобидаги ғалабаси билан якунланди.

39 ёшли футболчи учрашувнинг 28, 43 ва 80-дақиқаларида рақиб дарвозасини ишғол қилди. Уругвайлик футболчи учун бу сўнгги икки йилдан ортиқ вақт ичидаги илк хет-трик бўлди – у охирги марта 2024 йилнинг 5 майида «Нью-Йорк Ред Буллз» дарвозасига худди шунча тўп киритган эди.

Суареснинг жорий мавсумдаги 11 та учрашувда киритган голлари сони эндиликда олтитага етди. Юлдузли фахрийнинг «фламинголар» билан амалдаги шартномаси жорий йил охиригача мўлжалланган. «Интер Майами» навбатдаги ўйинини Жаҳон чемпионатидан сўнг – 23 июль куни ўтказади.