Май ойи бошида «Аталанта» устози Раффаэле Палладино Жанлука Скамакканинг ўйинидан норозилигини билдирган эди. Энди эса клуб охирги уч йилни Бергамода ўтказган ҳужумчи билан хайрлашиши ҳақида маълумотлар пайдо бўлди.
Бироқ, Скамакка ўз даражасини пасайтирмаслиги аниқ. derbyderbyderby.it нашрига кўра, унинг кейинги клуби «Рома» ёки «Милан» бўлиши мумкин. Тўғри, «Аталанта» футболчи учун 30 миллион еврогача маблағ сўраши мумкинлиги айтилмоқда ва Италия клублари ҳар доим ҳам бундай нархдаги футболчилар учун бунча маблағ сарфлашга тайёр эмас.
