«Милан»нинг бу мавсумдаги ҳужумкор ўйини сўнгги йиллардаги энг паст кўрсаткични қайд этди.
Массимилиано Аллегри бошқарувидаги жамоа А Сериянинг 38 та турида атиги 53 та гол урди. XXI асрда бундай ҳолат фақат бир марта кузатилган: 2001/02 йилги мавсумни «россонерилар» 47 та гол билан якунлашган, аммо ўшанда чемпионат ҳозиргидан 4 та ўйинга қисқароқ эди.
Чемпионатда энг кўп гол урган футболчи Рафаэл Леау бўлди — 9 та гол. «Милан»нинг энг яхши тўпурарида бундай кам натижа 2019 йилдан буён кузатилмаганди.
