Германиялик дарвозабон Марк-Андре тер Штеген энди «Барселона» режаларига кирмайди. Marca нашри журналистларининг хабар беришича, «кўк-анорранглилар» ёзги трансфер ойнасида футболчи билан хайрлашишга қарор қилишган.
Қайд этилишича, 34 ёшли дарвозабоннинг трансфер қиймати ҳозирда 4 миллион еврога баҳоланмоқда.
Якунланган мавсумда тер Штеген ижара асосида Ла Лигадан тушиб кетган «Жирона» шарафини ҳимоя қилди. Жамоа турнир жадвалида охиргидан битта олдинги ўринни эгаллади. Ўтган мавсум давомида Марк-Андре Испания чемпионатида «Жирона» сафида бор-йўғи иккита ўйинда майдонга тушиб, ўз дарвозасидан иккита тўп олиб чиқди.
