«Интер Майами» ҳужумчиси Лионель Месси МЛС ўйинида муддатидан олдин алмаштирилишга муҳтож бўлди. Бу, албатта, аргентиналик мухлисларни хавотирга солди, чунки Жаҳон чемпионати бошланишига жуда оз вақт қолди.
The Touchline нашрининг Diario Ole’га таяниб хабар беришича, яқин орада Месси тиббий кўрикдан ўтади. Шу билан бирга, ҳозирча ҳаммаси юлдузли футболчидаги ноқулайлик чарчоқ билан боғлиқ эканлигини кўрсатмоқда, яъни муаммо йўқ.
Июнь ойида, Жаҳон чемпионатидан сал олдин, Аргентина терма жамоаси Гондурас ва Исландияга қарши ўртоқлик ўйинларини ўтказади. Мундиалга келсак, гуруҳ босқичида «альбиселесте» Жазоир, Австрия ва Иорданияга қарши ўйнайди.
