«Манчестер Сити» вингери Жереми Доку ижтимоий тармоқларда 2025/26 йилги мавсум якунида жамоани тарк этган мураббий Хосеп Гвардиола, ҳимоячи Жон Стоунз ва ярим ҳимоячи Бернарду Силвага бағишланган пост қолдирди.
«Биргаликда ўтказилган учта унутилмас мавсум. Клубдаги илк кунимданоқ майдонда, машғулотларда ва кийиниш хонасида сизлардан жуда кўп нарса ўргандим. Ушбу лаҳзаларни сиз билан баҳам кўриш имкониятига эга бўлганим учун миннатдорман.
Хотиралар, сабоқлар ва биргаликда қўлга киритган совринларимиз учун раҳмат. Буларнинг барчасини шундай афсоналар билан бирга бошдан кечирганимдан жуда хурсандман!» — дейилади Докунинг нашрида.
55 ёшли Хосеп Гвардиола «Манчестер Сити»даги 10 йиллик фаолияти давомида 20 та соврин ютди. Улар орасида олтита Англия чемпионлиги, Чемпионлар лигаси ғолиблиги ва бошқа кубоклар бор.
