«Барселона» ва Испания терма жамоаси ярим ҳимоячиси Гави 2026 йилги Жаҳон чемпионати учун миллий жамоа қайдномасидан жой олгани ҳақида фикр билдирди.
«Ўз мамлакатим шарафини ҳимоя қилиб, иккинчи бор Жаҳон чемпионатида иштирок этиш имкониятига эга бўлиш — бу орзуларнинг рўёби! Бироқ, бу сафарги ҳиссиётлар ўзгача бўлади — шунча қийинчиликлардан сўнг, уч йил ичида икки бор йиқилиб, яна қаддимни ростлаганимдан кейин ҳаммаси бошқача.
Сизни ишонтириб айтаман: Жаҳон кубогини ватанимизга олиб келиш учун қўлимда борини бераман. Терма жамоанинг 26 нафар футболчиси қаторида бўлиш мен учун шараф ва имтиёздир. Биз сизларни фахрланишга мажбур қиламиз! Олға, Испания!» — дея Гавининг сўзларини журналист Решад Рахман ижтимоий тармоқларда келтирди.
ЖЧ-2026да Испания терма жамоаси «H» гуруҳида Кабо-Верде, Саудия Арабистони ва Уругвай билан куч синашади.
