«Милан»га қайтган Кака клубнинг янги аъзоси сифатида таништирилди ва келажакдаги фаолияти ҳақида фикр билдирди.
«Милан»га қайтганим жуда яхши бўлди. Мен худди ҳеч қаерга кетмагандайман. Ўз вақтида мен тажрибали ўйинчилардан ўрганганман ва энди бу вазифани менга юклашмоқда. Ёшларга тажрибамдан ўргатишни ва улардан ўрганишни хоҳлайман.
«Реал»дан кетишимга сабаб яна футбол завқидан бахра олиш эди. Мадриддаги фаолиятим давомида мен доим ҳам бир хил ўйнай олмадим. «Милан»да эса доимий яхши ўйнашга ҳаракат қиламан.
Берлусконига ҳам хурсанд эканимни айтдим, у ҳам ўз ўрнида менга омад тилади. Мен рафиқам билан гаплашдим ва у менга «Милан»га қайтишни маслаҳат берди. Шундан кейин мен Галлианига беш марта қўнғироқ қилдим, лекин у кўтармади. Анча вақт ўтиб у жавоб берди ва мен Миланга қайтишга рози эканимни маълум қилдим»,- дейди Кака.
