«Мидлсбро» ва Австралия терма жамоаси ҳужумчиси Райли Макгри жароҳати туфайли 2026 йилги жаҳон чемпионати финал босқичида иштирок эта олмайди, деб хабар беради ESPN.
27 ёшли ҳужумчи АПЛга йўлланма берувчи плей-офф финалида «Халл Сити»га қарши кечган баҳсда (0:1) жароҳат олиб, 76-дақиқада майдонни тарк этишга мажбур бўлганди.
Макгри Австралия терма жамоасининг жаҳон чемпионатидаги асосий таркиб ўйинчиларидан бири бўлиши кутилаётган эди.
Таъкидлаш жоизки, Макгри 2022 йилнинг январидан буён «Мидлсбро» шарафини ҳимоя қилиб келмоқда. 2025/26 йилги мавсумда у 28 та ўйинда майдонга тушиб, 6 та гол урди ва 3 та голли узатмага муаллифлик қилди.
Футболчи Австралия терма жамоасидаги дебютини 2021 йилнинг июнь ойида ўтказган. Миллий терма жамоа сафида у шу кунгача 35 та ўйинда майдонга тушиб, 1 та гол ва 7 та ассист қайд этган.
