Испания терма жамоаси бош мураббийи Луис де ла Фуэнте Жозе Моуриньонинг «Реал»га қайтиши мумкинлиги борасидаги фикрлари билан ўртоқлашди.

Кўплаб хабарларга кўра, айнан «Бенфика»нинг амалдаги устози шу ёзда Альваро Арбелоа истеъфосидан сўнг Мадрид клубини бошқариши кутилмоқда.

«Мен клублар қилаётган ишларга катта ҳурмат билан қарайман. «Реал» ёки бошқа клубларнинг ички ишларидан хабарим йўқ. Шундай экан, улар қабул қиладиган қарорларни ҳурмат қиламан.

Моуриньо — ажойиб мураббий, унинг «Реал»да бой тарихи бор. Бу ғоя менга жуда яхши туюлмоқда», — дея де ла Фуэнтенинг сўзларини келтиради Mundo Deportivo.

Эслатиб ўтамиз, де ла Фуэнте бўлажак Жаҳон чемпионати учун Испания терма жамоасига «Реал»нинг бирорта ҳам футболчисини чақирмади. Бу Мадрид клуби тарихидаги илк шундай ҳолат сифатида қайд этилди.