«Ал-Ҳилол» қанот ҳимоячиси Жоау Канселу, январь ойидан бери ижара асосида «Барселона» сафида тўп сураётганига қарамай, фаолиятини Каталония клубида давом эттиришни истамоқда. 31 ёшли футболчи «кўк-анорранглилар» сафида камида икки мавсум ўтказишни режалаштирган. Шундан кейин Канселу «Бенфика»га қайтиш вариантини кўриб чиқади. Бу ҳақда Sport.es хабар берди.

Манба маълумотига кўра, «Ал-Ҳилол» португалиялик ҳимоячининг трансфери учун 10 миллион евро талаб қилмоқда. Канселу эса «Барселона»да ўйнаш учун маошини камайтиришга ҳам тайёр.

Каталония клуби ҳам футболчининг хизматларига қизиқиш билдирмоқда.

Канселу 2023/2024 мавсумда ҳам «Барселона» сафида ўйнаган. У жамоа таркибида жами 65 та учрашувда қатнашиб, 6 та гол ва 9 та ассист қайд этган.