«Монца» футбол клуби Италия футболи элитаси — А Серияга қайтиш учун ҳал қилувчи қадамни ташлади. Ломбардия вакиллари плей-офф босқичи доирасида «Катанзаро» дарвозасига иккита жавобсиз тўп киритиб, 2:0 ҳисобида ишончли ғалабага эришди.
Эндиликда жамоага А Серия йўлланмасини қўлга киритиш учун жавоб баҳсида ушбу устунликни сақлаб қолиш кифоя қилади. Эслатиб ўтамиз, «Монца» 2024/2025 йилги мавсум якунларига кўра олий лигани тарк этган эди. Б Серия мунтазам чемпионатида учинчи ўринни эгаллаган жамоа (тўғридан-тўғри чиқиш учун бир поғона етмаганди), ҳозирда ўз мақомини плей-офф ўйинларида муносиб исботламоқда.
Жамоанинг жорий мавсумдаги энг яхши тўпурари Андреа Петанья ҳисобланади. Ушбу ҳужумчи ҳисобида айни дамда 9 та гол бор.
