Мадриднинг «Реал» клуби ярим ҳимоячиси Арда Гюлер яқин келажакда жамоани бошқариши кутилаётган португалиялик мутахассис Жозе Моуриньо ҳақида ўз фикрлари билан ўртоқлашди.
Моуриньо Альваро Арбелоанинг кетишидан сўнг «қаймоқранглилар» бош мураббийлигига асосий даъвогар бўлиб турибди. Қизиқарли жиҳати шундаки, «The Special One» аввалроқ Гюлер фаолиятини бошлаган «Фенербахче»да ишлаган, бироқ улар бир жамоада учрашмаган — Арда Туркиядан Мадридга Моуриньо келишидан бир йил олдин кўчиб ўтганди.
«Евро-2024 дан кейин Жозе Моуриньо ва «Фенербахче» президенти билан қисқача суҳбатлашдим, биз турнир ҳақида гаплашиб, бир-биримизга омад тиладик. Шунингдек, «Бенфика» ва «Реал» ўртасидаги ўйин пайтида ҳам суҳбатлашганмиз. Мен Жозе ва унинг эришган ютуқларига катта ҳурмат билан қарайман», — дея Гюлер сўзларини келтиради TRT Spor.
Эслатиб ўтамиз, Жозе Моуриньо Флорентино Перес 7 июнь куни бўлиб ўтадиган президентлик сайловларида ғалаба қозонган тақдирда, «Реал» бошқарувини қўлга олиши кутилмоқда.
