Миланнинг «Интер» клуби қанот ҳимоячиси Дензел Дюмфрис ёзги трансфер ойнасида жамоасини ўзгартириши мумкин. FCInterNews нашрининг тасдиқлашича, «Барселона» ва «Ливерпуль» эҳтимолий трансфер борасида футболчи билан боғланишган.
Нидерландиялик футболчининг «Интер» билан шартномасида 25 миллион евро миқдорида товон пули белгиланган. Барча масалалар Жаҳон чемпионатидан сўнг ҳал бўлиши кутилмоқда.
Манбанинг хабарига кўра:
«Барселона» Жюль Кунде сотиб юборилган тақдирда Дюмфрисни қўлга киритиши мумкин.
«Ливерпуль» эса ҳозирча футболчининг ҳолатини кузатишда давом этмоқда.
Якунланган мавсумда 30 ёшли ҳимоячи барча турнирларда 28 та ўйинда майдонга тушиб, бешта гол урди ва иккита голли узатмани амалга оширди.
