Мадридни Миланга алмаштирган яримҳимоячи Кака Италия клубидаги илк таассуротлари билан ўртоқлашди. Бу ҳақда "Милан" расмий сайти хабар тарқатган.

"Мадридда яхшигина тажриба тўпладим. Тўғри, ҳаммаси мен хоҳлагандан бўлгани йўқ, лекин айнан ўша дамларда кўп нарсаларни ўргандим. "Реал" - буюк клуб, унинг тарихидан ўрин эгаллаганимдан хурсандман.

Футболдан завқ олиб тўп суришни хоҳладим. Ўйлайманки, "Милан"да шундан бўлади. "Реал"да ўзига хос ўйин услуби бор эди, ва ундаги жой мен учун тобора камайиб борди. Шундан кейин Карло Анчелотти билан клубдан кетишим бўйича келишувга эришдик.

У ерда ўйнай олмаганимда Моуриньони айбламайман. Ўша вақтларда унинг ишончини қозонишга ҳаракат қилдим, лекин унинг ҳам футболга ўз қараши бор эди. Шунга қарамай мен виждонан меҳнат қилдим. Ҳаммаси шундай ва мен ҳеч кимни айбламайман. Мураббий сифатида у менга кўп нарса берди", деди Кака.