«Ювентус» ҳужумчиси Жонатан Дэвид жамоадаги илк мавсумини у қадар яхши ўтказа олмади. Канадалик футболчи «кекса синьора» сафида доимо ҳам асосий таркибдан ўрин олавермади, унинг самарадорлиги ҳам юқори эмас — 46 та ўйинда саккизта гол ва бешта голли узатма.
«Sky Sport» маълумотларига кўра, кўплаб миш-мишларга қарамай, ҳужумчи бўлажак трансфер ойнасида «Ювентус»ни тарк этиши даргумон. Вазият фақатгина Душан Влахович ўз шартномасини узайтирган тақдирдагина ўзгариши мумкин. «Бьянконерилар» раҳбарияти Дэвид аввалги клубларида ҳам илк мавсумда ўзини кўрсата олмаганини, кейин эса очилиб кетганини инобатга олишмоқда.
«Лилль»нинг собиқ юлдузининг нархи «Transfermarkt» порталига кўра 35 миллион еврони ташкил қилади. 26 ёшли футболчининг шартномаси 2030 йилга қадар мўлжалланган.
