«Yuventus» hujumchisi Jonatan Devid jamoadagi ilk mavsumini u qadar yaxshi o‘tkaza olmadi. Kanadalik futbolchi «keksa sinyora» safida doimo ham asosiy tarkibdan o‘rin olavermadi, uning samaradorligi ham yuqori emas — 46 ta o‘yinda sakkizta gol va beshta golli uzatma.

«Sky Sport» ma’lumotlariga ko‘ra, ko‘plab mish-mishlarga qaramay, hujumchi bo‘lajak transfer oynasida «Yuventus»ni tark etishi dargumon. Vaziyat faqatgina Dushan Vlaxovich o‘z shartnomasini uzaytirgan taqdirdagina o‘zgarishi mumkin. «Byankonerilar» rahbariyati Devid avvalgi klublarida ham ilk mavsumda o‘zini ko‘rsata olmaganini, keyin esa ochilib ketganini inobatga olishmoqda.

«Lill»ning sobiq yulduzining narxi «Transfermarkt» portaliga ko‘ra 35 million yevroni tashkil qiladi. 26 yoshli futbolchining shartnomasi 2030 yilga qadar mo‘ljallangan.