«Барселона» раҳбари Жоан Лапорта клуб «Ньюкасл» вингери Энтони Гордоннинг трансфери устида фаол ишлаётганини тасдиқлади. Чоршанба куни турли нуфузли манбалар «кўк-анорранглилар» ва «қарғалар» ўртасида келишувга эришилгани ҳақида хабар берганди. Англиялик футболчининг ўзи ҳам трансферга розилик билдирган.
«Энтони Гордоннинг трансфери устида иш олиб борилмоқда. Мен доимий равишда янгиланган маълумотларни олиб турибман», – дея Лапортадан иқтибос келтиради Barca Universal.
Гордоннинг «Барселона»га ўтиши клубга тахминан 80 миллион еврога тушиши мумкин. 25 ёшли футболчи аллақачон бугун Каталония пойтахтига етиб келади ва у ерда тиббий кўрикдан ўтади.
