«Аталанта» марказий ярим ҳимоячиси Эдерсон Лоуренсо «Манчестер Юнайтед»га ўтишни интиқлик билан кутмоқда. Bergamo TV хабарига кўра, айни пайтда 26 ёшли футболчи Бразилияда, оиласи даврасида вақт ўтказмоқда. Бироқ манбаларнинг таъкидлашича, ўйинчи ҳозир кутиш режимида ва трансфер келишуви якунлангани ҳақида «яшил чироқ» олган заҳотиёқ Манчестерга учиб кетишга шай турибди.
Бразилиялик футболчининг трансфер суммаси тахминан 40 миллион еврони ташкил этиши кутилмоқда. Ўтган мавсумда Эдерсон барча мусобақаларда 41 та ўйинда майдонга тушиб, учта гол урди ва иккита голли узатмага муаллифлик қилди.













