«Atalanta» markaziy yarim himoyachisi Ederson Lourenso «Manchester Yunayted»ga o‘tishni intiqlik bilan kutmoqda. Bergamo TV xabariga ko‘ra, ayni paytda 26 yoshli futbolchi Braziliyada, oilasi davrasida vaqt o‘tkazmoqda. Biroq manbalarning ta’kidlashicha, o‘yinchi hozir kutish rejimida va transfer kelishuvi yakunlangani haqida «yashil chiroq» olgan zahotiyoq Manchesterga uchib ketishga shay turibdi.

Braziliyalik futbolchining transfer summasi taxminan 40 million yevroni tashkil etishi kutilmoqda. O‘tgan mavsumda Ederson barcha musobaqalarda 41 ta o‘yinda maydonga tushib, uchta gol urdi va ikkita golli uzatmaga mualliflik qildi.