«Атлетико Мадрид» ҳужумчиси Хулиан Альвареснинг келажаги борасида янги хабарлар пайдо бўлди. PSG REPORTER нашрининг маълумотига кўра, аргентиналик футболчи учун асосий даъвогарлар «Барселона» ва «ПСЖ» клублари бўлиб турибди.
Футболчининг ўзи Каталония клубига ўтиш истагида, бироқ унинг агенти ҳужумчини «ПСЖ»га ўтказиш учун фаол ҳаракат қилмоқда.
Хулиан Альварес 2024 йилда «Манчестер Сити»дан 75 миллион евро эвазига «Атлетико»га келиб қўшилган эди. Унинг мадридликлар билан амалдаги шартномаси 2030 йилнинг 30 июнигача мўлжалланган.













