«Наполи» клуби кетган Антонио Конте ўрнига янги бош мураббий тайинлаш бўйича ҳал қилувчи қадамни ташлашга тайёр. Бу ҳақда журналист Жанлука Ди Марцио сайти хабар бермоқда.
Музокаралар ижобий якунлангач, клуб раҳбарияти бор эътиборини Массимилиано Аллегри номзодига қаратишга қарор қилди. Яқин соатларда томонлар шартноманинг барча деталларини келишиб олиши кутилмоқда. Дастлабки маълумотларга кўра, гап икки йиллик битим ҳақида кетмоқда.
Винченцо Итальяно ҳамон номзодлар рўйхатида қолмоқда, бироқ унинг имкониятлари деярли йўқ. Яқиндагина Итальяно «Болонья» билан шартномани ўзаро келишувга кўра бекор қилган эди. Эслатиб ўтамиз, Аллегри «Милан» Чемпионлар лигасига йўлланма ололмаганидан сўнг истеъфога чиқарилган эди.
