Туркиянинг «Фенербахче» клубида президентлик сайловлари жараёни давом этаётган бир пайтда, номзод Азиз Йилдиримнинг трансфер режалари ҳақида маълумотлар пайдо бўлди. Турк оммавий ахборот воситалари тарқатган хабарларга кўра, Йилдирим аллақачон жамоа ҳужум чизиғини кучайтириш учун икки футболчи билан музокараларни бошлаб юборган. Гап Серу Гирасси ва Ведат Мурики ҳақида кетмоқда.

Дортмунднинг «Боруссия» клуби 30 ёшли гвинеялик футболчи учун тахминан 35 миллион евро талаб қилмоқда ва «Фенербахче» бу рақамга яқин маблағни тўлашга тайёр. Гирасси Бундеслиганинг 33 та учрашувида 17 та гол уришга муваффақ бўлди.

Шунингдек, Туркия томони 18 миллион еврога баҳоланаётган Мурики бўйича «Мальорка» билан музокаралар олиб борди. Таъкидлаш жоизки, Мурики аввалроқ «Галатасарой»нинг таклифини рад этган эди. 32 ёшли футболчи ўтган мавсумда Ла Лигада 37 та учрашувда 23 та гол урган.