Turkiyaning «Fenerbaxche» klubida prezidentlik saylovlari jarayoni davom etayotgan bir paytda, nomzod Aziz Yildirimning transfer rejalari haqida ma’lumotlar paydo bo‘ldi. Turk ommaviy axborot vositalari tarqatgan xabarlarga ko‘ra, Yildirim allaqachon jamoa hujum chizig‘ini kuchaytirish uchun ikki futbolchi bilan muzokaralarni boshlab yuborgan. Gap Seru Girassi va Vedat Muriki haqida ketmoqda.

Dortmundning «Borussiya» klubi 30 yoshli gvineyalik futbolchi uchun taxminan 35 million yevro talab qilmoqda va «Fenerbaxche» bu raqamga yaqin mablag‘ni to‘lashga tayyor. Girassi Bundesliganing 33 ta uchrashuvida 17 ta gol urishga muvaffaq bo‘ldi.

Shuningdek, Turkiya tomoni 18 million yevroga baholanayotgan Muriki bo‘yicha «Malyorka» bilan muzokaralar olib bordi. Ta’kidlash joizki, Muriki avvalroq «Galatasaroy»ning taklifini rad etgan edi. 32 yoshli futbolchi o‘tgan mavsumda La Ligada 37 ta uchrashuvda 23 ta gol urgan.