Ўзбекистон олимпия (U23) терма жамоаси жорий йилнинг июнь ойида Словенияда халқаро ўқув-машғулот йиғинини ўтказади. Мазкур тайёргарлик босқичи доирасида вакилларимиз кучли рақиблар — АҚШ ҳамда Япония терма жамоаларига қарши ўртоқлик учрашувларида майдонга тушиши режалаштирилган.
Жамоа бош мураббийи Равшан Ҳайдаров бўлажак йиғинга чақирилган футболчиларнинг кенгайтирилган рўйхатини жамоатчиликка тақдим этди.
Эътиборлиси, олимпиячиларимиз бугундан бошлаб Тошкентдаги Миллий футбол маркази базасида йиғилишди ва дастлабки машғулотларга киришишди. Пойтахтдаги қисқа муддатли тайёргарликдан сўнг, жамоа делегацияси хориж йиғинини ўтказиш учун Словенияга жўнаб кетади.
