«Милан» клубини Маттиас Яйссле бошқариши мумкин.
«La Gazzetta dello Sport» нашрининг хабар беришича, клуб раҳбарияти Ральф Рангникни спорт директори лавозимига тайинламоқчи, у ўз навбатида «Ал-Аҳли»да фаолият юритаётган 38 ёшли ҳамюрти Маттиас Яйсслени бош мураббий сифатида олиб келишга ҳаракат қилади.
Яйссленинг Саудия Арабистони клуби билан тузган шартномаси 2027 йилнинг ёзига қадар амал қилади. Маттиас «россонерилар» сафига қўшилишдан манфаатдор, бироқ «Милан» мураббийни олиб келиш учун «Ал-Аҳли»га товон пули тўлашига тўғри келиши мумкин.
