Франциянинг «L’Equipe» нашри журналистлари Чемпионлар лигаси финалида «ПСЖ»нинг «Арсенал»га қарши ўйини учун тахминий таркибни эълон қилишди. Унга кўра, россиялик дарвозабон Матвей Сафонов учрашувни асосий таркибда бошлаши кутилмоқда.

Экспертлар фикрича, Париж клуби мураббийлар штаби ҳал қилувчи баҳсга қуйидаги футболчиларни майдонга туширади:

• Дарвозабон: Сафонов

• Ҳимоячилар: Ҳакимий (ёки Заир-Эмери), Маркиньос, Пачо, Мендеш

• Ярим ҳимоячилар: Невеш, Витинья, Руис

• Ҳужумчилар: Дуэ, Дембеле, Хвича

УЕФА Чемпионлар лигасининг финал учрашуви эртага, 30 май, шанба куни, Будапешт стадионида бўлиб ўтади.

Маълумот учун, жорий мавсумда Матвей Сафонов франциялик жамоа сафида 26 та учрашувда майдонга тушиб, 27 та гол ўтказиб юборди. Россиялик посбон 12 та ўйинда ўз дарвозаси дахлсизлигини сақлаб қолган.