«Бавария» ва «Ювентус» клублари марказий ҳимоячилар алмашинувини амалга ошириши мумкин. Мюнхен клуби Глейсон Бремерни ўз сафига қўшиб олишдан манфаатдор, унинг жамоадан кетиши ҳақидаги гап-сўзлар эса сўнгги пайтларда матбуотда тез-тез муҳокама қилинмоқда.
Журналист Экрем Конурнинг маълумотига кўра, аксинча йўналишда, яъни Италияга қайтиши бир неча ойдан бери тилга олинаётган Ким Мин Жэ «Ювентус»га ўтиши мумкин.
Маълумот учун:
-
Глейсон Бремер: Transfermarkt баҳоси бўйича 35 миллион евро.
-
Ким Мин Жэ: 20 миллион евро.
-
Ҳар иккала футболчи ҳозирда 29 ёшда.
Эслатиб ўтамиз, «Бавария» ўтган мавсумда Бундеслига ва Германия кубоги ғолиби бўлди. «Ювентус» эса А Серияда олтинчи ўринни эгаллаб, Чемпионлар лигасига чиқа олмади.
