Португалиялик ҳужумчи Криштиану Роналду ҳаракат қиладиган «Ан-Наср» клуби бош мураббий Жорже Жезуш билан хайрлашганини маълум қилди.

«У қийинчиликни бўйнига олиб келди ва бизни чемпион сифатида тарк этмоқда. «Ан-Наср» учун қилган барча ишларинг учун раҳмат, Жезуш... Сен доимо мухлисларнинг севимлиси бўлиб қоласан», — дейилади клубнинг «X» ижтимоий тармоғидаги расмий саҳифасида.

Аввалроқ Жезуш чемпионликдан сўнг жамоани тарк этишини эълон қилган эди. «Ан-Наср» 86 очко жамғариб, Саудия Арабистони чемпионати турнир жадвалида биринчи ўринни эгаллади. Қайд этиш лозимки, жамоа ҳужумчиси ва сардори Криштиану Роналду ўз фаолиятида илк бор Саудия Арабистони чемпионига айланди.