«Барселона» бош мураббийи Ханс-Дитер Флик аввалига «Манчестер Сити» билан шартномаси ёзда якунига етадиган 31 ёшли ярим ҳимоячи Бернарду Силвани сотиб олишни мақсадга мувофиқ деб ҳисобламаган эди. Немис мутахассисини португалиялик футболчининг ёши ва жамоада ҳужумкор ўйинчилар кўплиги иккилантирган. Бу ҳақда Sport.es хабар бермоқда.
Манбанинг маълумотига кўра, сўнгги кунларда мураббий «Барселона» ҳужумчиларининг жароҳатларга мойиллиги сабабли Силва жамоа учун зарур футболчи эканлигини англаб етган. Флик улар учун юқори сифатли ўринбосарга эга бўлишни истамоқда.
Шунингдек, «Барселона» раҳбарияти Бернардунинг етакчилик қобилиятлари кийиниш хонасида муҳим аҳамият касб этишига ишонмоқда. Клуб Силванинг майдон марказида ҳам, ҳужумнинг ўнг қанотида ҳам бирдек ўйнай олишини юқори баҳоламоқда — бу Ламин Ямальга дам олиш имконини беради.
