Испания терма жамоаси бош мураббийи Луис де ла Фуэнте жамоасининг 2026 йилги жаҳон чемпионатида ғолиблик учун асосий даъвогарлардан бири эканлиги ҳақида тўхталди.
— Сизларни асосий даъвогарлардан бири деб ҳисоблашмоқда. Кийиниш хонасида бундай кутишлар ва босим билан қандай курашяпсиз?
— Сизнинг «асосий даъвогарлардан бири» деган иборани қўллаганингиз менга маъқул келди. Даъвогарлар таркиби жуда кучли, мен сўнгги жаҳон чемпионатларининг бирортасида бундай рақобатни эслай олмайман. Чемпион бўлиш иштиёқида бўлган бир нечта топ-жамоалар бор. Бу бизга оғирлик қилмаслиги керак. Бизнинг тинимсиз меҳнатимиз ва ажойиб жамоавий ўйинимиз бизни шу натижага олиб келди. Буларнинг барчаси бизнинг ёндашувимиз натижасидир, — дея де ла Фуэнтенинг сўзларини келтиради ФИФА расмий сайти.
