"Манчестер Юнайтед" ҳимоячиси Рио Фердинанд жамоаси ўзи иштирок этаётган барча мусобақаларда ғалаба қозонишга қодир эканини таъкидламоқда. Бу ҳақда London Evening Standart хабар беради.
"Ҳаммасини ютиш учун етарли даражада кучли таркибимиз бор. Ўтган мавсумда чемпионатда ишончли тарзда ғалаба қозондик ва ёз давомида кучсизланиб қолганимиз йўқ.
Ҳеч нарса ўзгармай қолишини хоҳлардим. Шунда биз яна осонлик билан Англия чемпиони номини қўлга киритамиз. Лекин бу ҳаммаси шунчалик оддий эмасда. Клубда мураббийлардан тортиб раҳбариятгача кўп ўзгаришлар рўй берди.
Ғалаба руҳияти "МЮ" футболчиларининг ДНКсига сингиб кетган. Биз тўртта мусобақада қатнашяпмиз ва мен уларнинг ҳаммасини ютишни истаяпман. Ван Перси ҳам худди шу фикрда. У ғалабаларга чанқоқ, шунинг учун ҳам "МЮ" ўйинчиси", дея Фердинанднинг сўзларидан иқтибос келтирмоқда Goal.com юқорида номи қайд этилган манбага асосланиб.













