Тез орада Жозе Моуриньо «Реал»нинг янги бош мураббийига айланади. The Athletic нашрининг хабар беришича, 63 ёшли мутахассис мадридликлар билан аллақачон шартнома имзолаган.
Келишув уч мавсумга, яъни 2029 йилнинг ўрталарига қадар мўлжалланган. Клуб Моуриньо тайинланганини расман 7 июнга белгиланган президентлик сайловларидан кейин эълон қилиши кутилмоқда.
Маълумот учун, 2025/2026 йилги мавсумда «Реал»ни Хаби Алонсо (январь ўрталаригача) ва Альваро Арбелоа бошқарди. Мадрид жамоаси ушбу мавсумда бирорта соврин юта олмади.













