Лондоннинг «Арсенал» клуби ярим ҳимоячиси Мартин Эдегор ЕЧЛ финалида «ПСЖ»га қарши ўйин олдидан ўз фикрларини билдирди.

«Мен футбол ўйнашни бошлаганимдан бери ушбу совринни қўлга киритишни орзу қилганман. Уйим ёнидаги кичик майдончада ўйнаб юрган кезларимдаёқ финалда иштирок этиш ва ғолиб бўлиш ҳақида орзу қилганман. Бу орзу бутун умрим давомида мен билан бирга бўлган», — дея УЕФА сайтидан иқтибос келтиради Эдегор.

«Биз кўплаб кучли жиҳатларга эга яхши жамоага қарши ўйнаймиз, аммо биз ўзимизга, нимага қодирлигимизга, қандай футбол ўйнашимиз мумкинлигига ва қандай натижаларга эришишимиз мумкинлигига тўлиқ ишонамиз».

Шунингдек, Эдегор «Арсенал»нинг собиқ сардори Патрик Виейрадан олган қўллаб-қувватлаш сўзлари ҳақида ҳам гапириб ўтди: «У жуда алоҳида етакчи. Ундан хабар олиш — бу жуда қадрли. Энди биз уларнинг қўлидан келмаган ишни амалга ошириш имкониятига эгамиз».

Эслатиб ўтамиз, «Арсенал» ўз тарихида илк бор 2006 йилда Чемпионлар Лигаси финалида иштирок этган ва «Барселона»га 1:2 ҳисобида мағлуб бўлган эди.