«Барселона» вингери Ламин Ямал клубдоши Гави билан бўлган баҳс ҳақида гапириб берди.
2022 йилда «кўк-анорранглилар» ярим ҳимоячиси Испания терма жамоаси тарихидаги Жаҳон чемпионатида гол урган энг ёш футболчига айланганди — у 18 ёшу 110 кунлигида Коста-Рика дарвозасини ишғол қилган. Ямал ёшлар ўртасида кўплаб рекордларни ўрнатган бўлса-да, Гавининг бу натижасини янгилай олмайди.
«Евро-2024 тугаганидан бери Гави менга тинимсиз унинг рекордини янгилай олмаслигимни айтади. Энди ўйлаяпманки, мен хет-трик қайд этишим керак. Ўшанда Жаҳон чемпионатида хет-трик қилган энг ёш испаниялик футболчига айланаман», — дея Ламиннинг сўзларидан иқтибос келтиради The Touchline. (Ямал июл ойида 19 ёшга тўлади).
Испания терма жамоаси 2026 йилги Жаҳон чемпионатида Кабо-Верде, Саудия Арабистони ва Уругвай терма жамоалари билан бир гуруҳдан жой олган.
