Нью-Йорк мэри ва «Арсенал»нинг ашаддий ишқибози Зохран Мамдани «ПСЖ»га қарши бўлиб ўтадиган Чемпионлар лигаси финали олдидан ўз фикрлари билан ўртоқлашди.
«Манчестер Сити»нинг қайтиши муқаррар бўлиб туюлган, социалистик лойиҳалар заифлашган, футбол ва сиёсат фақат бойлик ва синизмни рағбатлантиришга қарор қилгандек туюлган пайтларда, мен ҳеч кимга ёмонлиги тегмайдиган инсон — Букайо Саканинг сўзларига қайтардим: «Бу — жараён». Ва биз унга ишонишимиз керак.
VAR бизни Каллум Уилсоннинг голидан қутқариб қолганда — жараёнга ишонинг. Эрлинг Холанд Avicii қўшиқларини куйлай бошлаганда, Деклан Райс эса ҳали ҳаммаси тугамаганини таъкидлаганда — жараёнга ишонинг. Микель Артета плакатга юрак ва мия расмини чизиб, жамоани руҳлантирганда — мана шу ғалати жараёнга ишонинг.
Ва мана, биз шанба кунига етиб келдик. «ПСЖ»га қарши ўйинда жараёнга ишониш жуда қийин бўлган дақиқалар бўлади. Рақиб — ажойиб. Уларнинг ярим ҳимояси идеал даражада мувозанатлашган. Жамоа яхши бошқарилмоқда. Уларнинг таркибида дунёнинг энг яхши футболчилари бор.
Бунинг аҳамияти йўқ — жараёнга ишонинг. Бизни Будапештгача етаклаб келган инсонни қўллаб-қувватланг. Бу лаҳзалардан завқ олинг, чунки бундай вазиятлар тез-тез содир бўлмайди. Аниқроғи, йигирма йил кутдик.
Нима бўлишидан қатъи назар, шуни ёдда тутингки, ҳаммаси бундан ҳам ёмонроқ бўлиши мумкин эди — биз «Тоттенхэм»га мухлислик қилишимиз мумкин эди. Хўш, улар ҳақида нима деб ўйлаймиз?» — деб ёзади Мамдани The Athletic учун тайёрлаган мақоласида.
Финал учрашуви Будапештда, Тошкент вақти билан соат 21:00 да бошланади.
