Журналист Дэвид Орнштейн «Арсенал»нинг Чемпионлар лигаси финалида «ПСЖ»дан пенальтилар сериясида учралган мағлубиятдан кейинги ёзги трансфер режалари билан ўртоқлашди.

«Арсенал» бу ёз кучли молиявий ҳолатда ва ҳатто ўтган йилги трансфер бюджетидан ҳам бемалол ошиб кетиши мумкин. Клуб иккинчи ҳужумчи, чап қанот ҳужумкор футболчиси, «олтилик» (таянч ярим ҳимоячи), «саккизлик» (марказий ярим ҳимоячи) ва ўнг қанот ҳимоячисини сотиб олишни мақсад қилган», — деди Орнштейн TNT Sports эфирида.

Орнштейннинг таъкидлашича, Лондон клуби раҳбарияти янги мавсум олдидан таркибни жиддий кучайтиришга тайёр ва трансфер бозорида ишлаш учун керакли ресурсларга эга.

Эслатиб ўтамиз, якунланган мавсумда «Арсенал» Англия чемпиони бўлди.