«ПСЖ» президенти Нассер аль-Хелайфи жамоанинг Чемпионлар лигасидаги ғалабасидан сўнг ўз фикрларини билдирди.
«Бугун — ақл бовар қилмайдиган, тарихий кун. Кетма-кет иккинчи йил Чемпионлар лигасида ғолиб чиқиш осон эмас, бу жуда мураккаб турнир. Мен жамоа, мураббий, штаб ва мухлислар билан жуда фахрланаман. Ҳамма яна бизга шубҳа билан қараганди, лекин биз ишондик ва буни уддаладик.
Биринчи бўлимдан кейин биз ғолиб чиқишимизни айтгандим. Ростини айтсам, ўйин жуда оғир кечишини билсам-да, буни учрашув бошланишидан олдин ҳам ҳис қилгандим. «Арсенал»нинг ажойиб, фантастик жамоаси бор. Уларга энг яхши тилакларимни билдираман. Биз уларни жуда ҳурмат қиламиз», — деди аль-Хелайфи TNT Sports телеканалига.
Эслатиб ўтамиз, биринчи бўлимдан сўнг «ПСЖ» «Арсенал»га 0:1 ҳисобида имкониятни бой бераётган эди. Иккинчи бўлимда парижликлар мувозанатни тиклашди, якунда эса Луис Энрике жамоаси пенальтилар сериясида ғалабани қўлга киритди.
