«ПСЖ» ярим ҳимоячиси Витинья Чемпионлар лигаси финалида «Арсенал»га қарши ўйинда ажойиб натижа қайд этди.
Португалиялик футболчи учрашув давомида 141 та аниқ узатмани амалга ошириб, Хави Эрнандеснинг 2011 йилги финалда (Барселона — Манчестер Юнайтед ўйинида) ўрнатган рекордини такрорлади.
УЕФА томонидан финалнинг энг яхши ўйинчиси деб топилган Витинья «ПСЖ»нинг ўйинини бошқариб борди ва 105-дақиқада захирага олинди. Эслатиб ўтамиз, асосий ва қўшимча бўлимлар 1:1 ҳисобида якунланган, пенальтилар сериясида эса парижликлар 4:3 ҳисобида ғалаба қозониб, чемпионликни қўлга киритган эди.
