«ПСЖ» бош мураббийи Луис Энрике Франция клуби билан шартномасини узайтиришга яқин турибди. Бу ҳақда таниқли инсайдер Бен Жейкобс ўз саҳифаларида маълум қилди.

Жейкобснинг сўзларига кўра, Париж гранди раҳбарияти испаниялик мутахассис билан тўрт йиллик янги битим имзолашни режалаштирмоқда. Таъкидланишича, томонлар ҳамкорликнинг асосий шартларини олдиндан келишиб олишган ва мавсум якунланганидан кейин шартномани расман расмийлаштиришга қарор қилишган.

Эслатиб ўтамиз, кеча Энрике жамоаси Чемпионлар лигаси ғолиблигини муваффақиятли ҳимоя қилди. Финал баҳсида парижликлар Лондоннинг «Арсенал» жамоасидан пенальтилар сериясида устун келишди.