«PSJ» bosh murabbiyi Luis Enrike Fransiya klubi bilan shartnomasini uzaytirishga yaqin turibdi. Bu haqda taniqli insayder Ben Jeykobs o‘z sahifalarida ma’lum qildi.
Jeykobsning so‘zlariga ko‘ra, Parij grandi rahbariyati ispaniyalik mutaxassis bilan to‘rt yillik yangi bitim imzolashni rejalashtirmoqda. Ta’kidlanishicha, tomonlar hamkorlikning asosiy shartlarini oldindan kelishib olishgan va mavsum yakunlanganidan keyin shartnomani rasman rasmiylashtirishga qaror qilishgan.
Eslatib o‘tamiz, kecha Enrike jamoasi Chempionlar ligasi g‘olibligini muvaffaqiyatli himoya qildi. Final bahsida parijliklar Londonning «Arsenal» jamoasidan penaltilar seriyasida ustun kelishdi.
