«Аталанта»нинг 25 ёшли дарвозабони Марко Карнесекки фаолиятини «Арсенал»да давом эттириши мумкин. Бу ҳақда Tutto Atalanta хабар бермоқда.

Манбага кўра, «канонирлар» ёзги трансфер ойнасида Карнесеккини сотиб олиш имкониятини кўриб чиқмоқда. Кутилишича, «Аталанта» ўз ўйинчиси учун камида 40 миллион евро талаб қилади. Агар «Арсенал» ҳақиқатдан ҳам Карнесеккини қўлга киритмоқчи бўлса, у «Аталанта»нинг шартларига рози бўлишига тўғри келади.

Ўтган мавсумда Карнесекки барча мусобақаларда 50 та ўйинда майдонга тушиб, 56 та гол ўтказиб юборди ва 17 та учрашувда ўз дарвозаси дахлсизлигини сақлаб қолди.

Дарвозабоннинг италияликлар билан амалдаги меҳнат шартномаси 2028 йилнинг июнига қадар мўлжалланган.