Англиянинг "Борнмут" клуби бош мураббийи Андони Ираола Леверкузеннинг "Байер" жамоасига ўтиш имкониятини ҳали бутунлай инкор этгани йўқ.

Аввалроқ, "Ливерпуль" клубида бош мураббийлик мақомига асосий даъвогарга айланган испаниялик мутахассис бугун "мерсисайдликлар" раҳбарияти билан учрашиб, музокара ўтказиши хабар қилинган эди. Тезкор инсайдер Флориан Плеттенбергнинг маълум қилишича, томонлар ўртасидаги мулоқот қизғин давом этмоқда ва улар келишувга жуда яқин туришибди.

Ушбу вазиятдан Ираола хизматига жиддий қизиқиш билдираётган "Байер" клуби ҳам огоҳлантирилган. Шунга қарамай, немис клуби ҳали мураббийдан "йўқ" деган узил-кесил жавобни олганича йўқ. Эндиликда жараённинг қандай якунланиши фақатгина Андони ва "Ливерпуль" ўртасидаги музокараларнинг муваффақиятига боғлиқ бўлиб турибди.