«Милан» ва Массимилиано Аллегри ўртасидаги дўстона ва келишувга асосланган хайрлашув бўлмайди — мураббий компенсация талаб қилишга ва бунга барча воситалар, жумладан суд орқали эришишга қатъий бел боғлаган. Қизиғи шундаки, айнан шу сабабдан у ҳозирча «Наполи» билан шартнома имзолай олмаяпти — акс ҳолда, бу «Милан» билан бўлган келишувни бузиш деб ҳисобланади ва уни компенсация талаб қилиш ҳуқуқидан маҳрум қилади. Компенсация миқдори эса оз эмас, кўп эмас — 14 миллион еврони ташкил этади.

Аллегрининг юристлари фикрича, молиявий зарардан ташқари, мураббийнинг имиджига ҳам путур етказилган ва бу сумма мазкур зарарни ҳам қоплаши керак. Шу билан бирга, «Милан»нинг ўзи эгаси Жерри Кардинале бор-йўғи 500 минг евро таклиф қилган.