Жаҳон чемпионати ўйинларига чипталар нархи жамоатчиликни ҳайратда қолдираётган бир пайтда, Мексика президенти Клаудия Шейнбаум ҳақиқий сахийлик намунасини кўрсатди. У Жаҳон чемпионатининг очилиш учрашувига мўлжалланган ўз чиптасини оддий мексикалик қиз — 21 ёшли Йолетта Сервантес Куакуэхуага совға қилишга қарор қилди.
Йолеттанинг танланиши тасодифий эмас, албатта — у дриблинг бўйича ўтказилган танловда ғолиб чиқди ва тўп билан ишлаш борасидаги маҳоратини намойиш этди.
Эслатиб ўтамиз, Жаҳон чемпионати 11 июнь куни айнан Мексика терма жамоаси иштирокидаги баҳс билан бошланади. Мезбонлар афсонавий «Ацтека» стадионида Жанубий Африка терма жамоасига қарши майдонга тушишади.
