Италия футболи афсонаси Паоло Мальдини Туркиянинг «Фенербахче» клубида иш бошлаши мумкин. У айни пайтда клубнинг бўлажак президенти Ҳакан Шафи билан фаол музокаралар олиб бормоқда. Улар Будапештда бўлиб ўтган Чемпионлар лигаси финалида биргаликда кўриниш берган эдилар.
«Биз жуда қалин дўстмиз. Тез-тез учрашиб, футбол ҳақида фикр алмашиб турамиз. Жаноб Шафига менинг «Милан»даги ишларим жуда маъқул келади. Шу боис, биз «Фенербахче»нинг келажаги келажаги ҳақидаги қарашларимизда умумий нуқталарни излаяпмиз», — деб Мальдинининг сўзларини келтиради pianetamilan.it.
Эслатиб ўтамиз, Паоло Мальдини Италиянинг «Милан» клубидан 2023 йил июнь ойи бошида — қарийб уч йил олдин ишдан бўшатилган эди.
