«Атлетико» президенти Энрике Сересо «Барселона» ва «ПСЖ» билан боғланаётган ҳужумчи Хулиан Альвареснинг келажаги борасида ўз фикрини билдирди.

«Хулиан Альварес — «Атлетико Мадрид» футболчиси ва у нафақат бу мавсумда, балки яна кўплаб мавсумлар давомида жамоамиз сафида қолади.

Биз доимо жамоамизга энг яхши ўйинчиларни жалб қилиш устида ишлаяпмиз. Ла Лига старт оладиган август ойигача янги ўйинчиларни излаш, кўздан кечириш ва жамоага олиб келиш учун ҳали вақтимиз кўп.

Биз жуда яхши мавсумни ўтказдик ва энди навбатдагисига тайёргарлик кўришимиз мумкин. Трансфер вазияти ривожланишига қараб, бу ҳақда эълон қилиб борамиз», — деди Сересо.