«Манчестер Юнайтед»нинг 23 ёшли дарвозабони Сенне Ламменснинг трансфери мухлислар ўртасида ўтказилган овоз бериш натижаларига кўра, якунланган мавсумда Англия Премьер-лигасидаги энг яхши ўтиш деб топилди.

Дарвозабон 2025 йилнинг сентябрь ойида «Антверпен»дан манкунианликлар сафига 21 миллион евро эвазига кўчиб ўтган эди. Ўтган мавсумда бельгиялик футболчи АПЛда 32 та ўйин ўтказиб, 39 та гол ўтказиб юборди ва 8 та ўйинда дарвозаси дахлсизлигини сақлаб қолди.

Ушбу номинацияда ғолиблик учун қуйидаги ўйинчилар ҳам даъвогарлик қилишган эди: Доминик Калверт-Льюин («Лидс»), Райан Шерки («Манчестер Сити»), Виктор Дьокереш («Арсенал»), Жоао Педро («Челси»), Антуан Семеньо («Манчестер Сити»), Адриен Трюффер («Борнмут») ва Гранит Жака («Сандерленд»).