Нуфузли Goal портали экспертлари клублар мавсуми якунларини сарҳисоб қилишда давом этмоқда. Бу сафар экспертлар 2025/2026 йилги мавсумнинг энг яхши мураббийлари рейтингини тақдим этишди.
Рейтинг чўққисидан Луис Энрике жой олди. Унинг қўл остида «ПСЖ» иккинчи йил кетма-кет Чемпионлар лигаси ғолиби бўлди. Шунингдек, парижликлар Франция чемпионати, Франция Суперкубоги, УЕФА Суперкубоги ва Қитъалараро кубокни ҳам қўлга киритишди.
Иккинчи ўрин Микель Артетага насиб этди. Унинг «Арсенал»и 2004 йилдан бери илк бор Англия чемпиони бўлди ва Чемпионлар лигаси финалигача етиб борди. Кучли учликни Венсан Компани якунлаб берди — «Бавария» унинг бошқарувида голлар уриш бўйича рекорд ўрнатган ҳолда Германия чемпионига айланди.
Топ-10 ликнинг кейинги ўринларидан Унаи Эмери, Сеск Фабрегас, Ханс-Дитер Флик, Кристиан Киву, Андони Ираола, Франческо Фариоли ва Пьер Саж жой олишди. Хосеп Гвардиола эса рейтингда 11-ўринни эгаллади.
