Бразилия терма жамоаси бош мураббийи Карло Анчелотти Неймар Винисиус Жуниор ва Рафинья билан бир хил позиция учун рақобатлашишини маълум қилди.
«Неймар унга белгиланган позицияда ўйнаши керак. У марказда ҳаракат қилиши лозим, у қанотда ўйнай олмайди.
У вингер позициясида ўйнамайди, у майдон марказида, ҳужумчи ёки ҳужумкор ярим ҳимоячи сифатида ўйнайди. Яъни Винисиус ва Рафинья ўйнаган жойда», — деди Анчелотти Панама билан ўртоқлик ўйинидан (6:2) сўнг.
Эслатиб ўтамиз, ЖЧ-2026 учун Бразилия терма жамоаси сафига киритилган Неймар айни дамда болдир мушагидаги жароҳатдан фориғ бўлмоқда. 34 ёшли ҳужумчи 2-3 ҳафтани ўтказиб юбориши хабар қилинганди.
